ابڙو اڪيڊمي Abro Academy
2020-07-18
داخلا نمبر 508
عنوان ڳجھه (اڇي پـُٺي واري)
شاخ پکي
پڙهيو ويو 338
داخلا جو حوالو:
ڳجھه (اڇي پـُٺي واري)
ڳجھه (اڇي پـُٺي واري)
اڇي پٺي واري ڳجهه جو قد 90 سينٽي ميٽر ٿئي ٿو، اها رنگ ۾ ڪارسري ناسي آهي، مٿو ۽ ڳچي ٺوڙهي اٿس؛ ڳچيءَ جي پاڙ وٽ اڇي جهالر وانگر کنڀ هوندا اٿس، بالغ ڳجهن جي پـٺيءَ تي اڇو چِٽو ٿئي ٿو، ٻچن کي اهو نشان ڪونه ٿئي ۽ انهن جي پَرن جي اندرئين پاسي سفيد لائين ھوندي آهي. ھيءَ ڳجهه اڪثر وڻن ۾ يا عمارتن تي خاموش ويٺل نظر ايندي آهي، پر اها به ٻين ڳجهن وانگر سٺي پرواز ڪري سگهندي آهي. جڏهن ڪنهن ڍونڍ تي لهندي آهي ته ان جي پيٽ ۾ گهڙي آنڊا گونڊا ڪڍي ٻاهر ڪندي ۽ کائيندي آهي. اھو ڪرھت آميز ۽ گدلو ڪم سھي، پر اها ڪنهن به موقعي تي پاڻي ڏسي وهنجي وٺندي آهي. هيءَ ڳجھه ماحول : 5 ۾ سرگرم ھوندي آهي.